【シマ唄動画紹介】十番口説(囃付き) 井上弘樹 奄美民謡 徳之島シマ唄 amami
十番口説(囃付き) 井上弘樹 奄美民謡 徳之島シマ唄 2019, 10, 27
奄美民謡は、シマ(集落)や唄い手により同じ唄でも違いがあり多様性に溢れています。
島唄の言われは、奄美のこのシマ(集落)唄からきています。奄美民謡の多様性が解る唄遊びとなっています。
沖縄の「上り口説」が徳之島に渡り、「全島口説」をはじめ「前原口説」「意見口説」「豊年口説」「敷島口説」「あむろ口説」「継母口説」等さまざまな物語が数多く口説として唄われています。
・徳之島
https://ja.m.wikipedia.org/wiki/%E5%BE%B3%E4%B9%8B%E5%B3%B6
‘’ 十番口説（囃し付き）‘’
まず(先)や 一番 いぬちがふう(命果報)
いぬち(命)ぬ あればどぅ
なにぐとぅ(何事)む うむ(思)てぃおるくとぅ(事)
かぬぅ(叶)わゆさ
二番 さむれ(武士)ぬ でぇむとぅ(大本)や
てぃならい(手習) がくむん(学問) ゆ(良)く なろ(習)てぃ
うや(親)に こぅこぉ(孝行) しゅし
むぇでぇ(名代)になる
三番 ひゃくしょ(百姓)ぬ でぇむぅとぅ(大本)や
うりしち(折節) むんじゅくい(物作)
うく(遅)りらんよう 朝夕 油断さんよう
はたら(働)くぃよ
四番 うぅしくぃん(大世間) ちゅう(人)ぶれや
さむれぇ(武士)む ひゃくしょ(百姓)む じに(銭) いらぬ
まくとぅ(真実) ちきぃ(交際)ゆし
うむしる(面白)さ
※ イヤイヤ くどぅき(口説) ふぇし(囃子)や
た(誰)が ゆ(詠)でぃ はや(流行)ちゃんが
わん(吾)が い(言)ち かた(語)らば
きち(聴)みしょり
しきゃご(鹿浦川)ん たなが(手長蝦)ぬ
しきゃうら(鹿浦) うり(下)とぅてぃ
いび(海老)ぐゎや な(成)らんち さんてぃさ
いゃん(汝)とぅ わん(吾)とぅや
ふどぅ(胴)かん ちご(違)とぅり
ちぬ(角)ぐゎぬ ちきゃ(短)さり
イヤイヤ いび(海老)ぐゎ な(成)らんち
いび(海老)ぐゎや な(成)ららん
むぅとぅ(元)ぬ しきゃご(鹿浦川) むどぅ(戻)とぅてぃ
しるいし(白石) かむぃ(被)たい
くるいし(黒石) かむぃ(被)たい
くり(此)どぅ うきゆ(浮世)ぬ
たぬ(楽)しみ むん(物)じゃが
なま(今)ぬ ふぇし(囃子)に
くどぅき(口説) ゆ(詠)むぃ ゆ(詠)むぃ
五番 やぁむ(家持)ち かんにょ(肝要) しゅてぃ
うとぅ(夫)ゆし とぅじ(妻)ゆし わだん(和談)しちゅてぃ
いへん(異変)な や(遣)り く(繰)り
さん ぐとぅ(事)に
※ こうち(河内) なぶぃたろ(鍋太郎)
じぃ(爺)に
だぁ(何処) うゎ(豚)ぐゎや な(成)さしゅな
とぅい(鶏)ぐゎま しらしゅな
うゎ(豚)ぐゎ な(産)さちゅてぃ
とぅい(鶏)ぐゎま したてぃてぃ
あし(汗)ま くんむらち
うゎ(豚)ぐゎや こぅ(買)ちむぃ
とぅい(鶏)ぐゎや いりちむぃ
やぁ(家)かん むどぅ(戻)とぅてぃ
とぅじ(妻)とぅ とろてぃ(喧嘩)や しむぇだち
とぅじ(妻)や じょうじ(上手) むん(物)
しょうちゅう(焼酎) どんぶり(丼)
ちゃっくぇ(茶漬)や い(出)じゃちゅてぃ
ぬ(飲)でぃや みっ(見)ちゃい
うどぅ(踊)てぃま みっ(見)ちゃい
だきょ(抱)ま みっ(見)ちゃい
しょせど うちゆ(浮世)や たぬ(楽)しみ むんじゃが
なま(今)ぬ ふぇし(囃子)に
くどぅき(口説) ゆ(詠)むぃ ゆ(詠)むぃ
六番 じんかに(銭金) むとぅ(求)むらに
かに(金)ぐゎぬ あればどぅ なにぐとぅ(何事)む
うむ(思)てぃ う(居)る くとぅ(事)
な(成)てぃ いきゅり
※ みやま(深山) うさぐぃ(兎)ぬ
ぬ(野)かち うり(下)とぅてぃ
しまやぎ(島山羊) な(成)らんち さんてぃん
いゃん(汝)とぅ わん(吾)とぅや
ちぬ(角)ぐゎぬ ねぇ(無)ちむ
ふどぅ(胴)かん くゎ(小)さい
くぃ(毛)ちま ちご(違)とぅり
みん(耳)ぐゎぬ ちご(違)とぅり
イヤイヤ 真意志に ながさっ(流)てぃ
やぐぃ(山羊)や な(成)らんち
やぐぃ(山羊)ぐゎま な(成)ららん
むぅとぅ(元)ぬ みやま(深山)や むどぅ(戻)とぅてぃ
あん しじ(筋) はに(跳)たり
くん(此) しゃく(尺) うり(下)たい
なま(今)ぬ ふぇし(囃子)に
くどぅき(口説) ゆ(詠)むぃ ゆ(詠)むぃ
七番 しちじゅ(七十)ぬ とぅし(歳)なれば
むぬぐとぅ(物事) しゃまじゃま(様々) うむ(思) さむぃ(覚)てぃ
らく(楽)ゆ くぬ(好)みゅし
うむしる(面白)さ
※ くどぅ(花徳)ぬ しまふくじぃ(島福爺)が
ふぅだま(大玉) やっくゎん(八貫)
かかぐぃ(担)てぃ ぬぅ(何)しゅんが
しばい(小便)しゅんち
とぅい(鶏)ぐゎや うどぅか(驚)ちゅてぃ
いに(稲)ぬ くしゃ(草)しば
いに(稲)ぐゎや しりとぅ(倒)ち
とぅじ(妻)ぬ じょうじ(上手)むん(者)や
かしりや しゅうとぅてぃ
かむぃ(被)てぃや みっ(見)ちゃい
なぐぃ(投)てぃま みっ(見)ちゃい
ふぅだま(大玉) やっくゎん(八貫)
ちかぬ(飼)てぃ ぬぅ(何)しゅんが
ふぅみち(大道)ばたかち
なぐぃ(投)とぅてぃ
うし(牛)ぐゎに ちか(突)ちゃい
まぁ(馬)ぐゎに くぃ(蹴)らちゃい
なま(今)ぬ ふぇし(囃子)に
くどぅき(口説) ゆ(詠)むぃ ゆ(詠)むぃ
八番 八十ぬ とぅし(歳)なりば
はちぐゎち(八月) はちにち(八日)
とぅかき とぅ(取)てぃ
よね(米)ぬ うゆぇ(祝)
するばかり
九番 くんじゅ(九十)ぬ とぅし(歳)なりば
なしぐゎ(産子) くゎまぁが(子孫)
ひ(引)き ち(連)りてぃ
ひゃくさ(百歳) にが(願)ゆし
うむしる(面白)さ
※ イヤイヤ みやま(深山) やまし(猪)ぬ
のぅ(野)かち う(下)りとぅてぃ
うゎ(豚)ぐゎ な(成)らんちゃてぃ
うゎ(豚)ぐゎぬ な(成)らりゅむぃ
いゃん(汝)とぅ わん(吾)とぅや
ちくい(形)ぬ か(変)わとぅり
くぃ(毛)ぐゎぬ ちご(違)とぅり
はな(鼻)ぐゎぬ ちご(違)とぅり
うゎ(豚)ぐゎや な(成)ららん
むぅとぅ(元)ぬ みやま(深山)に
むどぅ(戻)とぅてぃ
あん(彼)さく(谷) くん(此) さく(谷)
うどぅ(踊)てぃも みっ(見)ちゃり
はに(跳)てぃも みっ(見)ちゃり
くり(此)どぅ うきゆ(浮世)ぬ
たぬ(楽)しみ むん(物)じゃが
なま(今)ぬ ふぇし(囃子)に
くどぅき(口説) ゆ(詠)むぃ ゆ(詠)むぃ
十番 じゅうろぅ(寿老)ぬ たれびとぅ(老人)は
むかし(昔) かみゆ(神代)か 話なし
い(居)たか お(居)るむぇ(無)か
話なし